ديما دموع دموع الحب

هذي قصة حب واقعيه انتهت قبل أشهر قليله فقط

قررت أن أكتبها و أنشرها بمواقع
الإنترنت و البلوتوث والوسائط المتعددة،>،>،>

}} وأحاول قدر المستطاع إن اجعلها بين يدين أكثر عدد ممكن
من الناس{{

لعلها تكون سبب في زيادة الحرص بقلوب بعض

وزيادة الخوف والحفاظ على
كل أثنين تتوسط قلوبهم علاقة حب سامية وشريفه. . .
قبل أن أبدى أقصها عليكم...
..عندي رجاء منكم أخواني وأخواتي..
عدم جرح أبطال القصة وتكذيبها لأنها حقيقة {%}
وقد يصدقها العشاق فقط
لأنهم يسكنون عالم{الحب{
وهم وحدهم يعرفون
أن العالم هذا
) و يا كم جرح وعذب وكان سبب
بحرق القلوب وقهر الدموع
وفقدان العين شوفه الغاليين

و يا كم أشعل السعادة والضحك
ببعض القلوب...
وكان سبب في راحة بال الكثيرين...
وكان أول سبب في جمع قلبين(
وثاني رجاء/قول آمين بنهاية
القصة..
وثالث رجاء/عدم سرق القصة
أو تزويد وتنقيص بالكلمات..
ورابع رجاء/قم بمساعدتي وأنشرها معاي لأني أريدها أن تصل

وإليكم كلمات القصة فهي الكفيلة بتعريفكم من أكون أنا ومن تكون هيفاء ...

قصة بنت في مرحلة المتوسط
أسمها:هيفاء
مواصفاتها:متوسطة الجمال' متوسطة الطول'
سمرا اللون'
هواياتها:الضحك واللعب والدواجه بشوارع ليل ونهار
هي وشلتها>>>


كانت كل يوم بعدما تطلع من المدرسة تقول لسواق
شغل المسجل على آخر شي تبي تلفت أنظار الشباب
وحتى كانت تفتح الشباك تستهبل
وتمزح وتحارش الشباب
وكان السواق رهيب مثلها
وإذا قربت من البيت تتغير وتصير
محترمه حيييل
يمكن عشان أخوها نواف لأنه مطوع؟؟!!
أما أهلها كلهم داجين) وفري(
وإذا جاء العصر تتطلع مع خوياتها الداجات للمملكة أو ألفيصليه أو مطاعم
وكوفيات التحليه
للبحث عن الشباب وإذا جات الساعة
عشر ونص رجعوا للبيت وناموا عشان
المدرسة وفي الويك أند
ينهبلون زيادة يروحون لشاليهات أو مزرعة أو إستراحه لأوحده فيهم
رقص للفجر و حلويات طايحه على الأرض وجوال مسمينه جوال الكل
يحطونه بالوسط وكلهم يجمعون
ويدقدقون على الشباب ويتخبلون ويستهبلون
إلى الفجر ثم يرجعون إلى بيوتهم
}عسى الله يحفظ بنات المسلمين ويهديهم{

وفي مره من المرات طلعت هيفاء مع صاحباتها لمطعم إسبازيوفي المملكة
ومثل عادتهم يرسلون ويستقبلون
في البلوتوثات
وكانت فيه طاوله كلها شباب
كل واحد أكشخ وأحلى من الثاني كانت قريبه من طاولة المهسترات بس كانوا الشباب ثقل ...
قالت هيفاء لصاحبتها نوف
نوف شوفي ذاك يهبللللل
قالت نوف أي واحد
قالت هيفاء اللي لابس جيشي
قامت نوف تبحث عن بلوتوثه وللأسف كان مقفلة!!
قامت لفت على هيفاء وقالت ماني نوف لو ماجبته لك
قالوا البنات وش بتسوين
قالت إحنا إيش أسم شعارنا
قالو المصرقعات بصوت على

) لا نعرف المستحيل وإلا ما يصير نخليه
يصير(
وقامو المهبولات يصفقون كانهم
سكارى
لفتو إنتباه الجميع...
إلا...شلة سعود...ما عبروهم!!
قالت:سلطانه وجع ليش ما ناظرونا؟؟
قالت:نوف أصبرو يا بنات إن مع العسر يسرا>>
وأنا جايبتهم ها لمزاين جايبتهم

ومرت نوف من عند سعود وقالت أفتح بلوتوثك!
سعود سمعها و لا عبرها

بس هي تحسبه ما سمعها نادت الجرسون وعطته ورقه كتبت عليها
افتح بلوتوثك وأرسلتها
وقف سعود وجلس يناظرهم والبنات أنبسطوو هيفاء أستحت
قام قطع الورقه وجلس
أنصعقو البنات قالت نوف لهيفاء لا تزعلين بنحاول معاه
المهم هيفاء مسكت معاها تبيه تبيه

ويمكن حبته من أول نظره
) لا تلومونها يشبه خالد بن الوليد بن طلال ولابس جيشي(

قام سعود وأصحابه بيطلعون من المطعم وقامو وراهم البنات
ونوف تقول يا مغرور عطنا رقمك وش دعوه
لف سعود وقام يناظرها نظرات إستحقار
قالت نوف:خيييييير مو عاجبتك
رد بصوته المبحوح: أكيد لا
لأني ماحب النوعيه هذي من البنات¿
إنقهرت نوف:ووش فيها نوعيتنا

إلا نهبل والكل معجب فينا!

قال:شفتي أسلوبك وردك كيف؟؟
و لا عباياتكم ومشيتكم كيف؟
و لا أصواتكم العاليه تتعمدون ترفعوان أصواتكم عشان تلفتون الأنتباه بسوالفكم ونكتكم المنحطه؟
وترى بنات المسلمات المتربيات
ما يسوون حركاتكم

قالت نوف:حدك عاد و لا تكمل وأنت أصلا ما تملى عيني بس صاحبتي قالت أبيه وقلت بحاول أجيبه بس طلعت مو مغرور بس طلعت متخلف وترى المملكه مليانه شباب وأحلى منك ويتمنون مننا نظره

قاطعتها هيفاء وقالت
خلاص نوف يكفي

سعود حس بشي غريب لما سمع صوتها
وقالت أنا آسفه انا إللي قلت لها أبيه
وهي كانت تبي تخدمني
و لا كنت أعرف إنه شي بيضايقك
وآسفه مره ثانيه

دارت هيفاء و أخذت صاحبتها و نزلو
) الله يرحم ذيك الأيام تذكرتها(

قال سعود ضميري أنبني
قالو له أصحابه تكبر و تنسى

ولما نزل سعود شاف هيفاء عند العربيه للعود
وكانت معطيته ظهرها
بس هو عرفها لأن نوف ناظرته
راح سعود بسرعه وترك أصحابه
وقال لهيفاء أفتحي بلوتوثك
لفت هيفاء وشافت سعود وأبتسمت
بدون تعليق وراحت وخلته
وهو وراها
) سبحان مغيرالأحوال(
ويقولها يابنت أفتحي بلوتوثك برسلك رقمي
وهي مطنشته

آخر شي مل قالها بتفتحين وإلا
خلاص أروح
لفت بسرعه وقالت لا لا تروح بفتحه
وشافتهم عجوز فتانه
وأرسل رقمه إلا السكرتي جاء يطلعه
بس بعدما ارسل رقمه
)هذي بداياتها(

وبعدها بيومين دقت هيفاء على سعود
الساعه ثلاث الفجر بس كان نايم ولارد
ويوم قام وشاف الرقم قال أكيد
هذي البنت إللي بلمملكه
ودق على الرقم
ردت هيفاء هلا والله
سعود هلا فيك بس أنا لقيت رقمك
بجوالي من داق؟
قالت:أنا
قال:والله والنعم بس من أنتي
قالت:أنا هيفاء وهبي
قال:ترى أنا ما أحب الخفه تكلمي بثقل قبل أسكر بوجهك
قاطعته لا خلاص أنا هيفاء اللي كنت بلمملكه
وقاموا يسولفون وسألته
سعودكم عمرك
قال:27
وأشتغل بزنس
وأنتي قالت 16
قال سعود يوووه صغيره حيل
ما أتوقع ننسجم مع بعض فرق كبير
بيننا
قالت أنت جرب وش بتخسر
قال بخاطره وش أجرب بزره
مرت الأسابيع والشهور
وسعود مره يرد ومرات يطنشها
وإذا قالت ليه ما ترد علي يقولها
ما أبي أضيع وقتي مع بيبي
وأحمدي ربك إذا رديت عليك و لا تقعدين تشرهين يا مبزره
مرت سنه على ها الحال
ويوم نجحت شافت كل وحده خويها
وأهلها يسألون عن النتيجه إلا هي
دقت و لا رد عليها أرسلت له مسج
اليوم أستلمنا شهاداتنا أنا و صحباتي
وكلنا نجحنا بس كلهم لقومن يباركلهم
إلا أنا ماحد بارك لي غير سواقي
أنكسر قلب سعود وكلمها يبارك لها
وشرا لها هديه
وبعدها بشهر أتصلت تبكي تقول إنها بتسافر لجنيف مع أهلها
فرح سعود يقول فرصه أبفتك
من ها البزره
وفعلا سافرت و فرح سعود الساعه الأولى
بعدين شوي شوي حس بضيقه
فقد أحد بس هو ماتوقع أنه بيفقد هيفاء
ما يعرف وش فيه
وبعد ثلاث شهور دق جوال سعود
وشاف الرقم قال مو غريب
ولمارد صوت هيفاء
سعود أشتقت لك اليوم أنا رجعت
من جنيف وأنت أول من كلمته
قال سعود بقلبه إييف وش جابها
قالت:سعود ليه ساكت
قال:وش تبين أنتي لا يكون تبيني أغني لك