شعر بخاف عليك وبحن ليك

ليك..بشتاق إليك
لكل نظره من عنيك
بخاف عليك وشوقي ليك
بحر عالي من موجه خايف
كلام شفايف يبوح بسري
ويقول بحبك محتاجه قربك
** **

معاك بضحي ..وبدمعي بحكي
قصه معاك وبيك وليك أنا عشتها
نظرة عنيك ياما عشقتها
ده انا وأنت جمبي الدنيا يا قلبي ملكتها
** **

ده أنا كل يوم بفوت وأعدي
علي حته مني سرقتها
نفس المكان نفس الزمان
أنا وإنت يا قلبي كنا سوا
دايبين غرام ..عشنا إنسجام
من غير قيود من غير حدود قولنا الكلام
** **

بعنيا قولت أنا دايبه فيك ..ملك لأيديك
شوفت في عنيك إجابه لسؤالي
وبلمسة إيديك ريحت بالي
** **

كنت وهاتفضل حب عمري
أبني وحبيبي وحشت حضني
صحيح قاتلني بس أعمل أيه ؟؟
ده أنت البدايه ..وأنت النهايه
بعدك توابع ملهومش دافع , ولا حتي مانع
** **

بحن ليك ..ياريت تعود ونعيش عقود نرسم يا قلبي
ومعاك أسود الكون بحاله ده اللحظه جمبك بعمر تاني
وده مش كلامي ده كمان غرام جوايا ليك
عارف يا عمري أنا ساكته ليه ؟؟
أصل أنت جمبي صحيح بعيد لكن قريب
ده أنا منك وبيك ده أنا عايشه ليك شايفه بعنيك
معاك وبيك دوقت الهوا
عرفت الحياه وإحنا سوا
** **
أزاي أنسي أول نظره من عنيك
أول لمسه من إيديك
أول دمعه من عنيك كانت عشاني
لها طعم تاني ..صحيح أناني
لكن بحبك عشان عاهدتك تكون عشاني
جوايا لك ركن تاني مليان أغاني
عشناها ياما بكي وملامه
عيون تنادي وتقول بحبك محتاجه قربك
خليك مكاني وشوف عشقتك أد إيه ؟؟
ده انا شوقي ليك يسوي العالم واللي فيه
وهاقولك أيه ؟؟ ياريتك تجيني مره
أبني وحبيبي وحشت حضني
وحشت قلبي وعمري وحياتي
ملك لأيديك بحن ليك
بشتاق إليك لكل نظره من عنيك
بخاف عليك وشوقي ليك
بحر عالي من موجه خايف
كلام شفايف يبوح بسري
ويقول بحبك محتاجه قربك
خليك حبيبي..خليك عشاني